Na noda gu kei na noda sasaga vinaka ka vu taki tiko mai na noda vakabauta e rawa ni vakatoboicu taka na nakinaki ca nei Setani ka i liuliu ni veika e butobuto me vaka na “freemasonry”.

E na noqu dau masu ka lolo tiko e na vica na vula sa oti oqo, e vakaraitaki tiko ga mai vei au ni sega tiko ni dina na ka e cakava tiko ‘o Bainimarama kei ira na nona i lawalawa.

E sa kena i vakaraitaki tiko oqo na levu tiko ga mai ni kisi me baleti ira e sa kau tiko kina mataveilewai. E na yaco mai na gauna me ratou na sega ni rawa ni sabaya laivi na levu ni kisi ni veilewai ka ra kauti ira tiko kina ko ira na lewe ni vanua. Au mai wilika tiko e na ‘online news’ ni rau sa na kauti ira talega ki na mataveilewai koi rau na i tubutubu nei Rabaka.

E vinaka me ra kau kece kina mataveilewai baleta ni ra na la’ki bubului kina vakailasu ki na mata ni Kalou ka na qai la’ki sauti ira kina na ka vakatevoro e ra cakava tiko.