Ratu Sukuna

Sa da lako sivita na olodei ka dau vakacacautaki kina se vakananumi kina na turaga qo o Ratu Sukuna.

Au vakasamataka ena gauna e buta katakata sara tu ga kina na veitalanoa ni coup, e a levu na vosa e a mai tau me baleta na turaga qo. E lailai sara na vosa vinaka ia e vuqa ga na vosa ni veibiliraki, vakacacani kina na yaca ni turaga qo. E a dua sara ga na porokaramu ka dau veivakacacani sega wale ga vei Ratu Sukuna, ia vei ira tale ga na Turaga kei na Marama bale ni noda vanua o ya na nodratou porokaramu na Radio Fiji, ka vakatokai tu na ‘Noqu Bulikula’. Sai evei na viavia levu, ni yaco mada ga me kaya kina ni na basubasuraki na nodra i sulu na i talatala, a yacana ko Kalivati Batibasaga- e dua vei ira ka vunau lasu vei ira na mataivalu me ra tokona na vuaviri ni matanitu vakasivoi baleta ni a parofisaitaki ena dua na sere kali. Ia, ena galu dina ga mai ko Sakaraia. Otioti ni ka eda rogoca e sa lai tiko sara na turaga qo mai vei iratou na Tabacakacaka ni Taukei (FAB), me kauta ga mai na veivakasesei kei na vakatevoro. Ni vosoti au kemuni na wekaqu ke kaukauwa, sakasaka se baleca beka tiko eso na tautau ni noqu vosa.

Ni da raica lesu na bula nei Ratu Sukuna, dina ga ni so na ka e vakatulewa kina e da na sega beka ni duavata kina ena noda dui veiyasana ia eda na sega ni cakitaka rawa na ka a sa mai cakava rawa o koya ka se bera ni dua tale na turaga e Viti me tautauvata kaya. O koya e a dua ga na tamata ka bula ena dua na tabagauna, raica mada na levu ni ka a vakayacora rawa o koya me da maroroi kina na bula tiko ena gauna oqo. Ke dua me bilitaki, o ya o ira na veiliutaki ka qai muri mai vata kei keda ka da bula tu nikua ka ni da sega ni vakuria na nona cakacaka na turaga qo ko Ratu Sukuna. E na gauna oya o koya beka ga na turaga i taukei vuli, ia, ena gauna nikua eda udolu vaka udolu na gone i taukei vuli se sega ga ni da walia rawa na vei leqa vaka qele eso! Sa rui levu beka na noda vakalusi gauna tu ena veika e sega na betena, me vaka na gunu yaqona vakasivia, na veitalanoa vakalusi gauna, se na sara TV vakasivia.

Sa toso tiko na gauna. De dua e na vinaka meda dikevi keda tale mada vakayadua se na cava beka eda na rawa ni dolea lesu ki na noda vanua.

Vinaka.

One Response to “Ratu Sukuna”

  1. Anon Says:

    O ni bau kila tu ni o Rt Sukuna na gase dau vakacuru ena masonic? wasewase na qele ni taukei baleta ni vaka sala taki koya mai oira na kaivalagi era member vata in masonic.. Sega ni buita mai e dua na i lavo kei na vale vei lady liku na watina vaka talega ga kina o Rt mara sega ni bau tara na vale nei ro lala mai rewa se bau lomani lady liku me tara na nona vale ni a tuberi koya o Rt Sukuna. Rau mate ruarua ka sega ni dua na ka rau biuta tumai veira na wati drau kei na luvedrau.. Sa dua na ka vakamadua nai tovo vaka sisila rau biuta tu mai na turaga qo. Sa qai vinaka me mate tu o mara dara tu na pikini baleta na nona valelailai esa sega ni tarovi rawa.. Qo nai samu ni dau vei beici ka vei vakaisini vei keda na taukei. Nai samu ni dau qaravi tevoro ka gunu dra sai mai samuti koya tu vaka na tui ena i vola tabu makawa a tukuni ni sa sega rawa ni tarovi na nona valelailai baleta na ka dau cakava ca vei ira na nona tamata. Yalo vata saraga kei apisalome ena i vola tabu malumu ka yalo ni dau vei beci kei na vakamatei vei ira o koya e beca. Oi au roko vi ira na turaga ia oi ra era vei beci au sa sega noqu gauna vei ira.. O Rt Sukuna vakavuna mera vuli i valagi na turaga ni viti ia sega ni vakatara o koya me dua na i taukei e sega ni turaga me gole ki valagi..E kacivi ira na sega ni turaga na bokola.. Qo dua na vuna au na sega ni vaka yalo vinaka taka na tama. Au na vaka marau taka ga na noqu kalou ko jiova esa ga na ka e yali vei au.. O rt Sukuna kei Mara e sega ni kilai mai lomalagi.. E kilai ga i kia o ira na lomana na kalou mai utodra, lomana na tamata , ka lomana na bula vaka yalo ka vaka i dina. Sa koya toka.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: