Eda sa mua tiko ki vei?

Au gunu ti tiko ena tini na kaloko ena mataka nikua a qai kaya vei au e dua na noqu i tokani ni tukuni vei koya ni na taura tiko e tinikalima tale na yabaki na caka ni veidigidigi. Kevaka ena vaqo, ia sa na dua na vanua tawa macala dina eda sa mua tiko kina qo.

Au vakabauta ni ra sa tekivu yavavala tale tiko ga na vei mata ni veimatanitu ka vaka tale ga kina na vei mata ni vei soqosoqo lelevu dau veivuke me vaka na UN kei na EU ena kena sa vakasamataki tiko na kena tokitaki na nodra mata ki na so tale na vanua me vakai Samoa, na vanua e sega kina na tiko yavavala. Oqo e dua na ka e dodonu me namaki, baleta ni ka bibi vei ira nai soqosoqo vaqo o ya na nodra bula na tamata cakacaka. Era vuqa talega na gone i taukei era sa tekivu mera biu vanua me ra laki cakacaka ki na so tale na vanua tani. Sobo, era a sega tu ni bau tadra ni ra na biuti Viti, na nodra vanua lomani. E liu era a biubiu ga vaka yauyau ko ira na vulagi, nikua, sara na biubiu vaka yauyau na gone i Taukei, o ira ka tu vei ira na kila, ka ra sa mai veisosomitaki ko ira era se bera ni taucoko na nodra kila. Oqo e dua na ka e rawa ni tarovi. Ia, ena vakatau tiko ga vei iratou na tiko mai nai tikotiko vakamataivalu.

Ena vakatau tale tiko ga vei keda na lewenivanua. Meu biuta ena vosa vakavavalagi ” Stand up and be counted”. Meda tucake mada na kawa i taukei meda kaya “Sa Rauta!”

p.s na noqu ‘location’ e rawarawa sara ni kilai baleta niu volavola tiko ga yani ena noda korovakaturaga levu e Suva, e sega ni dua na ‘special/security features’ ni noqu ‘blog’. E sega vei au na rere baleta ni sai noqu vakatawa ko Jiova e na sega dina ga ni dua na ka ena yali vei au, vakacava i keri? Au sureti iko mo vakabauta mada na Kalou levu oqo.

8 Responses to “Eda sa mua tiko ki vei?”

  1. josefa Says:

    Nai tosotoso qo sa na taura ga na kaukauwa ni kalou;o au talega e dua na cauravou vaka bisinisi ni saravanua.Au dau taroga voli tu sena vacava beka na kena dede na noda vakatotogani voli nai taukei.Sa noqu masu me dolava na kalou na matadra vakayalo na veiliutaki meda rawa ni kabasi taki kina ena wasawasa voravora eda sokotaka voli.

  2. asiatu Says:

    A cava tale meda cakava, ni sa dodoki keda tu na dakai. Ia, oi keda na i Taukei, ena varerei keda tiko ga na dakai?. Eda vakatara tikoga me lewai keda na dakai?. Ena mai vakavuna na yali ni noqu kawa, baleta ni’u rerevaka na dakai?.

    Au kila nida sa masu tiko, ia, e vinakata talega na Turaga meda cakacaka taka, meda masulaka ga se na cava e vinakata vei keda na Turaga meda cakava. kevaka sa na uqe mai na yalomu, tukuna mai meda kila, ni sa kacikaci beka oya?

    Me da kua ni vakatarai ira qo, me ra lewai keda, e rawa ni ra lewa na yagoda, ia, era sega ni lewa na yaloda kei na noda vakasama, oya na noda i yau kaukauwa taudua, baleta ni sega ni rawa e butakoca mai vei iko.

    VAKASAMATAKA VAKAYALOMATUA!!!!

  3. fiji to da bone Says:

    Nai vola tabu e tukuna me da kakua ni rerevaka na ka sa vakamatea na yago, ia me da rerevakaga na ka sa vakamatea na yalo. Na dakai, se yaragi cava ga e sega ni dodonu me da rerevaka.

  4. reddy Says:

    DINA MADA..

  5. iTaukei Says:

    Meda rere me i cavai? Meda taqaya ena vuku i cei? O iko na wekaqu na vuna au rawa ni doudou kina! O iko na wekaqu na vuna au sega ni rere kina! Me umani keda vata tiko na loloma ni Kalou ena sala ni veivosaki oqo na ‘internet’. Ni da veilomani eda yalo dei ni da kila ni da tiko veitikivi na veitokani gone i taukei. Vinaka na veitokoni. Kua ni guilecava na veimasulaki.

  6. Tui Says:

    Vinaka vaka levui iTaukei. Au marua taka na nomuni taura matua tiko na vakavuvuli ni noda lotu va Karisito. E sega ni cala na vosa ni volatabu. E cata na kalou na tamata qaciqaciya ka sega vua na loloma. E na digitaka na kalou edua na tamata sega ni kilai se rogo me na liutaka na noda Viti vou. Ena digitaka na kalou edua na Mosese, Joseva se Tevita me na liutaki keda. Meda masu ka lolo ka vakarau taki keda tiko baleta e na yaco mada ne veika dredre ni bera ni yaco na veika vinaka vei keda. Nida masu tiko meda masulaki ira talega na keda meca, laiva vua na kalou me nona na vakatulewa. Kakua ni nanuma no sauma na ca ki na ca. Nanuma tiko na vunau nei Jisu, “lomana na nomu meca….
    Sa voleka mai na gauna ni tagi kei na lolosi, sa voleka mai na gauna me dave tale kina na dra ni kawa i taukei, sa na qai basika tale kina edua na Viti Vou, ka Viti vinaka cake sara. Meda taura matua tiko na vakavuvuli ni dau loloma, dau vosota, yalomalua ka dau vala taka na dina ni noda turaga ko Jisu..
    Noda tiko na vakacegu sa vu mai vua na noda kalou bula, Jiova Ni Lewe Vuqa!
    Tui.

  7. jo-jo Says:

    Ko ira na Isireli era matanitu digitaki ni Kalou. Era tauri dakai ka vakaiyaragi tu vakavinaka mera taqomaki ira. Era se qai bolobololaki Lepanoni ga ena gauna vata oqo ena yabaki sa oti ni rua na nodra sotia erau a vesu ena boarder kei Lepanoni mai vei ira na batikadi kara laki vuni tiko mai Lepanoni. Laki kedra wale nai samu ni dawa na kai Lepanoni. Vakacava meda sa vakaiyaragi mada na i Taukei Movement mera sa moku mada na Sotia kei na illegal Regime. Na moto Bitu, sele kava, nai wau se cava ga o yamoca rawa.

  8. nabolabola Says:

    Isa kemudou na turaga/marama, ke sa vaqori ena dave na dra, ia eda na veibololaki tikoga vaka kawa i taukei, era na dredrevaki keda na so. O keda eda kawa tamata lewe lailai duadua ena vuravura. E dua ga na noqu taro, e vakacava e dua tale na gaunisala meda muria me kua ni dave kina na dra?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: