O cei ena tucake?

“i Solomone na luvequ mo tagane mada”

Oqo nai tautau nei Tevita, na Tui kei Isireli. Ai tautau nei dua na tamata qaqa ka sotava, sarava, ka bau donumaka e dua na gauna voravora ena gauna vaka matanitu nei Isireli. E dua na tamata ka cavuta na Kalou vakai koya ni “volekata na Yalona”.

Nikua sa vasaqarai tiko kina eso na Tevita. O Viti ena gauna edai e gadrevi ga kina o ira na Tevita, tamata era yate vaka laione, sega tale ni dua era wilika. Ena kena i vosavosataki vakavavalagi ” Small David Big Heart”. O Koliaci na tuwawa a dua ga na kena i naki. Ena nona a mai bolei ira tiko kina na Isireli, na tamata ni Kalou, e a vinakati walega me laurai kina ko Tevita, na i liuliu vou. A sa lokuci oti tu na siga ko ya. A sa macala oti tu o cei ena nona na qaqa. Na nodrau vala ena siga o ya, a dolavi kina na katuba kina siga vou nei Isireli. Nikua sa dolavi tale tiko ga na katuba ki na siga vou nei Viti.

De sai iko beka o ya na wekaqu, na Tevita e vakasaqarai tiko. Au kila ke a dua ga na Tevita, ena gauna o ya mai Isireli, au vakabauta ni o Viti e rawa ni solia e dua na drau na Tevita. O Viti e rawa ni solia e dua na udolu na Tevita. O Viti e rawa ni solia e dua na drau na udolu na Tevita. Tamata era yate vaka laione.

2 Responses to “O cei ena tucake?”

  1. newsfiji Says:

    Au mai vakawilika tiko na nomuni volavola, kau mai marau sara kina vakalevu ni o vakabibi taka tiko na Kalou kei na nona vakavuvuli.

    O au e dua ga na gone i taukei, au sega sara beka ni lotu tudei sara, ia au vakabauta na Kalou kei na ka e sa mai vakatara me yaco.

    Au vakabauta ena vu ni yaloqu ni a lewa ni kalou me wini na SDL party me veiliutaki ena noda Vanua. Na kena mai tauri vakaukauwa na matanitu e sa mai vakatara talega ga kalou meda yadra mada kina na kaiviti.

    E sa yaga na gauna oqo, me da toro voleka sara kina vua, me da vakararavi vakatabakidua vua, ka va Kalou vua duadua ga.

    Ia, e sega ni kena i balebale me laki donu kina na i vakarau e kitaka o Voreqe. Na i sau ni ka e ra cakava o ira na mataivalu ena sauti ira ga. Kevaka ra kere veivosoti ena vosoti ira na kalou, e sega ga ni kenai balebale ni ra na drotaka na sau ni valavala ca.

  2. iTaukei Says:

    Eda tamata i valavala ca taucoko ia eda sasaga tikoga meda tovo kei Karisito.

    Dua nai tovo Vakarisito o ya na noda dau kauti keda sobu, ka kaya nai Vola Tabu ena nona gauna ga ena qai laveti keda cake ko koya. Ia, na Kalou talega e tukuni ena nona Vosa ni dau ‘resist the proud’- veicoqacoqa kei ira na tamata dokadoka. Sa ka bibi dina na veirokovi!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: