Vola kivei Commodore Voreqe Bainimarama

Ni sa yadra tale na lewe i Viti
Ki vua na i liuliu ni mataivalu
Commodore Josaia Voreqe Bainimarama,

I saka,
au kila ni o au e dua wale ga na cauravou i taukei ka na sega sara ni na bibi na noqu i vola ena mataka vinaka ni siga nikua.

Ia au kila niu na vosa tiko qo au na vosa tiko ena vukudra na i wase levu ni cauravou kei na goneyalewa i taukei ka keimami sega ni duavata kei na nomudou veiliutaki na matanitu kei na mataivalu. Oqo e sega ni i vola ni veicoqacoqa, ia, e i vola ni vakamamasu, vakatakekere, mo dou vakalesuya na veliutaki ka me sautu tale kina na noda vanua. Au kila ni na levu na vakasala o ni rogoca tiko nikua, mai na mawi kei na i matau, ia, au kerea walega mo ni na solia walega e dua na nomuni gauna lekaleka mo ni rogoci au kina. Baleta ni na cava e dua na siga ena cava tiko ga kei na dina qo ni o kemuni e nomuni nai otioti ni vakatulewa ena i tikotiko ni mataivalu.

Na veivosoti e ka rawarawa sara. Na tiko lomavata e ka rawarawa sara. Ke sa mate rawa na Karisito me bokoci kina na noda i valavala ca, e sega sara ni dua na kena dredre me yaco kina na veivosovosoti ena noda vanua ena vuku ni veika sa mai yaco. Oqo na noda vanua. Eda lewa tu ga o keda na i taukei. Na kena dina e tiko ga vei kemudou ena nomudou dabe ka veitalanoa kei iratou na lewe ni Bose Levu Vakaturaga vaka tale ga kina kei ira na lewe ni vanua ka vakauasivi sara ko iratou na matavuvale nei ira ka ra sa mai vakaleqai. Dou nanumi Viti. Dou nanuma na kawa i taukei. Dou nanumi keimami.

Me da kakua ni vakabalavutaka na veivosaki. De da na qai veivutuni sa bera.

2 Responses to “Vola kivei Commodore Voreqe Bainimarama”

  1. chee chee Says:

    Rogoca mada Voreqe!

  2. Striker Says:

    E dodonu vei Voreqe me wilika na veika sa tukuni tiko qo. Na tamata yadua e dodonu me tiko vua na yalo malumalumu, kevaka e sega, e na sotava na dredre. Na ka e laurai tiko qo vei VB sa i koya na nona sa sega sara ga ni doka e dua na tamata e na gauna e vei liutaki tiko kina. Baleta beka ni tiko vua na dakai – au sega ni kila. Na ka ga me da masulaka sa i koya me liaci koya mai o VB ka me sa rauta mada na veikaloloma taki kei na veivakararawataki e yaco tiko mai na QEB. Sa vica na noda e sa mai kau na nodra bula e na ka e vakatulewa tiko kina o koya. E na qai oti beka e na ica?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: