Domo Ni Taukei

Au dolava na noqu ’email’ ena mataka nikua, sa ‘comment’ tu kina e dua ka yacana ko Vuka. Ena nona i vosavosa au tara rawa ni o koya e dua vei ira na tokona tiko na vuaviri. Au a sa ‘approve’ taka tu na nona ‘comment’, ia, sega ni dede au veisautaka na lomaqu meu sa mai bokoca mada yani ka ni sega sara ga ni yaga vakalailai meda rogoca na kawa i taukei.

O ira oqo era sa vosa oti. Era a vosa ena gauna e a mai tauri kina vakaukauwa na matanitu vakasivoi. Era a vosa ena gauna a kalawaci kina na Bose Levu Vakaturaga. E ra a vosa ena gauna a vakamatei kina ko Sakiusa Rabaka. E ra a vosa ena gauna a vakamatei kina ko Nimilote Verebasaga. Era a vosa ena gauna a vakatutu(submission) kina ko Dr Sahu Khan ena nona via mai vakataroga na ‘legality’ ni o cei e nona na qele ni taukei- e dua na ka eda kila taucoko ena siga eda se qai sucu mai kina ni sega ni dau vakatarogi, ka vakabibi sara ke o vulagi. Era a vosa ena nodra mai vakacegui e dua nai wase levu ni kawa i taukei ka ra a veiliutaki tu ena veitabana vakamatanitu. Era a vosa ena gauna era a kocova kina nai tutu eso vakaveiliutaki. Era sa vosa oti.

NIKUA EDA SA VOSA!

3 Responses to “Domo Ni Taukei”

  1. mimimata Says:

    e rawa beka vei kemudou na itaukei mo dou vakamacala mada ena kena laurai tiko qo na nodra sa tabei cake tikoga na daunibisinisi ni Idia mai vei iratou na IG, ka sa tabonaki tikoga koi keda nai taukei ni vanua dau vakaduri bisinisi. noqu rai sa da kidomoki tikoga koi keda meda sa tu ga ena cakacaka vaka draiva, bulibuli madrai kei na bisikete, vakau waqa, kei na bisinisi mai yasayasa vakara, na RTB – “round tu boto”. meda sa waraka ga na lisi kei na tiko voliti tu ga ena veikorokoro.
    ni dua na kaiviti e toro cake me vaka na volitaki yau (pine) kei na qoliqoli (pearl & fish), e totolo sara na kena tabonaki mai vei ira na kai kaqo ena kena ceuti mai na lawa eso me vakamalumalumutaki kina na nona toso.
    ia, na vaka sitoa li, sa va la ya ka va tale ya.
    dou yalovinaka na turaga, dou vosa mada mai…

  2. iTaukei Says:

    Vinaka sara vakalevu na taro vakasala kei na vakavure vakasama. Oqo e dua na vanua ka dodonu mera rai kina na turaga kei ira na marama i taukei veiliutaki ena veitabana vakamatanitu(public sector) kei na veitabana vakabisinisi(private sector). Na sala ni toso cake ni kawa i taukei ena vuravura ni bisinisi e sega ni vakatautaki ena nodra kaukauwa se ‘road block’ o ira na Idia. E sega talega ni tiko ena blue print. Me vaka ni da sa raica, ni blue print e tosoi cake ga kina e dua nai lawalawa lailai sara, ka da sega ni umani vata taucoko ena kena wasei vakarabailevu na tiki ni ‘pie’. E dua nai lawalawa ka dau kania vakalevu na tiki ni ‘pie’ o ya ko iratou na Fiji Indeginous Business Council (FIBC), ia o ya e dua tale na veitalanoa. Na toso cake ni bisinisi taukei e tiko ga ena ligada na i taukei. O keda e da taukena se da ‘influence’ taka tu na kabani levu duadua ena dua na vanua, o ya na matanitu (Government), ka sega ni dodonu me tao tiko kina vakalevu na noda bisinisi. Na kaukauwa ni toso se ‘thrust’ ni bisinisi i taukei ena vakatau vakalevu mai na veitokoni mai vei iratou oqo (matanitu). Kevaka o iko e dua vei ira nai liuliu ena tabana o tiko kina, e kena i balebale ni tu vei iko na ‘power to influence’. Kevaka o sega ni o cakava tiko, ia, oqori e dua na vuna e sega ni toso cake rawa tiko kina na bisinisi taukei. Tu vakadua, kua ni raikivi. Veivuke. Dodoka na ligamu, baleta ni dua na bisinisi i taukei e gadreva na nomu veivuke. Kevaka e dua na gauna eda bau sotava na i taukei ka gadrevi vakalevu kina na veilomani, na cakacaka vata, na duavata, na veitauri liga, na veimaroroi, ia oqo sara ga na gauna o ya. Au vakamasuti kemuni tiko kina na veiliutaki kei kemuni na cakacaka ena veitabana vakamatanitu kei na vei kabani eso mo ni veivuke ena kena dolavi na katuba ni torocake ni bisinisis taukei.

  3. nabolabola Says:

    Isa oqo e dua na tikina e vinaka me da veivosakitaka sara vakabibi nai taukei. Au nanuma ni yaga meda cakacaka vakaukauwa sara meda tovolea na nodai gu taucoko meda veiqati mada kei ira na mataqali qoka.

    Vinaka vakalevu na kena dolavi na gaunisala ni veivosaki qo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: