Se bai cawiri tale na nodatou CD…

Da rai lesu da vakasarava ka vakarogoca na veivanua eda dui yavutaki keda kina na lewe ni vanua e Viti ena vuku ni draki vakapolitiki ka tarai keda tu qo. E so vei keda eda yavutaki keda tu e na ka e da wilika ena pepa, e so ena internet, ka so ena ratio. E na macawa sa oti e sa bai mai tekivu vakacawiri taki kina e dua na CD ena loma ni keba. E vakamacalataki tiko e na CD na kena kune na waiwai ena Bligh Water kei na vei ulutaga tale eso. Oqo kemuni na turaga kei na marama e sega ni ka vou. Na kena i matai ni gauna ka vakacawiri taki kina e dua na CD vaqo o ya ni se bera na coup, ka nona CD na tamata dau vakacuru o ya ko Kalivati Batibasaga. E a sa bau lai rogo sara mai vei ira na noda mai Samoa ni o PM vakasivoi, o Laisenia Qarase, vata kei Qoriniasi Bale e rau a via volitaka tiko na Bligh Water. Kemudou na wekaqu, e teri rawa ni volitaki na wasawasa bula kei Viti. E rairai ca beka tiko na qavokavoka nei so na tamata. Au via vakadreti keda walega na veiwekani me da kakua ni talanoa taka e dua na ka e da sega ni kila. Da kakua ni i kuri ni veivakasewasewani.

E tuburi au na loloma ena noqu lomani ira na wekada ka ra vakamalumalumu taka tu na nodra qavokavoka ena nodra lai vakabauta tu eso na tamata ravisi kei na talanoa vesumona jamujamu vaka oti gauna e vakasaqara tiko mai o la qo kei so vei ira na turaga ni valu. Sa sega ni curuma rawa na nodra mona na noda sotia ni ra mai lasutaki tiko vei ira na tamata vakadomobula ena nodra sa mai buli lasu tu me waicala tiko kina na nodra vakasama o ira na noda gone. Na “factory” ni lasu e teri tiko tale mai vanua ya, e tiko sara la mai vei iratou mai Delai Nabua. O koya qo e qaqi tu ga ena siga kei na bogi. O Tevoro bau vagauna toka nona lasu. O ratou qo e warai. Sa la ju ga sa la ju ga.

Kevaka e dua na vanua meda yavutaka kina na noda vakabauta, meda yavutaka ga ena dina, ena dua na yavu e tu dei ka sega ni vakatautaki ena draki vakapolitiki, vaka i lavo, vakamatanitu, se vaka vanua, o ya na gone Turaga o Jisu Karisito.

10 Responses to “Se bai cawiri tale na nodatou CD…”

  1. Dodonu kei na Dina Says:

    Kemuni na noda..na mataqali vakasama vakaoqo e sega ni ka vou. Tekivu mai na Vuaviri ni 1987,2000 ka se baci da yacova tale mai qo na 2006 e cowiritaki keda wavoki na vu ni ca na tama ni lasu ka dau vakaraitaki voli kina na kena vakarau tadola na veivakalougatataki mai na waiwai, na i yau talei ena boto ni qele, kei na gauna vou me baleti Viti. Ena 2000 a kau yani kina i Palimedi e dua na kamunaga levu vei Speight ka vakatokai yani na “I Dolavi ni Gauna’..Ni vosoti au na wekaqu ni sa matata tu qo vei keda na vanua tu kina ni kua o Speight..Ia ke dina ni sa baci basika tale mai na veilasutaki qo mai Delainabua, rairai ni ra sa na muria kece tale tikoga yani na vanua vata ga era tu kina na i liuliu ni vuaviri kece..Me da masulaka tikoga vakalevu me basika na Dina kei na Dodonu ena noda Vanua Lomani qo ka kaua ni da vakalolomataki ena veilasu vaka qo…

  2. Tovolea Says:

    Sa dina sara. E dua na malumalu levu vei keda nai Taukei qori ni levu vei keda e sa waraka tu ga me vakadewa taka tu nai talanoa lasulasu. E kaya ga e dua nai vosavosa ya ‘ e vaka e kama na vuni gasau’. E na vinaka cake me da na vakarogoca ga na vosa ni Kalou ka da vakadewa taka yani me ra rogoca na lewei viti raraba. Kena i karua, me qaravi sara vakaukauwa na vuli me rawa ni rarama kina na vakasama.

  3. ani.mawalu Says:

    Sa maumau sara ga, vei keda nai taukei ni sa dua na drau vakacaca na yabaki na kena cabe na lotu i Viti,ia se vakaloloma tu ga na noda i tovo ni rai kei na bula.E da kaya ni da lotu vaka Karisito, ia sa yawayawa kalia sara na nodai valavala. Sa rui levu ga na noda va rogoca e levu nai vunau sega na betena, ka dodonu ga meda qarava vaka yalo ka vakai dina na Kalou sa cecere sara.2 TIMOCI 3-3..”era na caca veiwekani,era na dauyalayala ka lasu tale,era na dauveibeitaki vakailasu,era na sega ni daurawa na yalodra,era na daucudrucudru,era na daucati ira na tamata
    vinaka…verse 5sa nodra ga na lotu vakarairai,ka sega ni vakai dina:ia mo lako tani mai vei ira era sa vaka oqo…Emeni!!

  4. ani.mawalu Says:

    Sa oti na gauna ni wau kei na veikanikani…sa gauna oqo me vakararamataki keda ne Vosa niKalou bula mai nai Vola tabu, sega ni tukuni makawa ni gauna nei dakuwaqa se o turukawa,se cava talebeka.
    Meda nanuma nai vakaro nei Mosese vei ira na Isireli enai vola na i Vakarua 8:10…Mo dou kakua ni guilecava na Kalou ko Jiova, ka me kakua ni dua tale na Kalou dou qarava ia ko Jiova DUADUA GA.
    Io, me da kakua ni cegu oca na masu,baleta nia valoa oqo sai valu vakayalo..Efeso 6;12.Na kaukauwa gani masu ni tamata lotu dia(RIGHTEOUS) esa maroroi Viti tu ena gauna ni kua.Kaluogata tiko na lewni vanua kai na vanua o Viti..God Bless!!

  5. Anon Says:

    Raica mada na CD qo :

    http://www.fijifreespeech.info/

  6. KuitaMada Says:

    Kemuni na sotia mai na keba, dou sega mada ga ni madua na con taki tiko na veisiga? Sa qai vakaloloma dina o Viti ke sa va tu oqo na rawarawa ni nomudou con taki. Sa rauta ga me yaco tu ga i Viti na Vuaviri, lako ga mai e dua, con taki kemuni dou muri kece tu vaka na tamata sese!

  7. Philipstone Says:

    sa curumi tu o ira mai na keba!!! cN’T MAKE UP THEIR MINDS!

    o ira na sotia poofta!!

  8. Domu ni "revelle" Says:

    Vei kemuni na sotia, Sa dodonu moni yadrava na kena sa mai vakayagataki kemuni tu o Mahendra Chaudary me vakayacolomana. Na vuaviri oqo e bukiya na kena druadrua o Mahendra Chaudary (labour party), Epeli Nailatikau, Voreqe Bainimarama kei Epeli Ganilau. Eratou sa tu vinaka tu oqo ena kedratou i sau vakailavo mai na $0.00 kina $50,000.00, Eratou promote taki iratou mai na tu vakavanua ki na Minister…mai na Commander kina Prime Minister. Au via tarogi kemuni na Jnr Offrs, Snr NCO’s kei kemuni na Other ranks. E bau dua na promotion e yaco vei kemuni? Sa dua na ka na noqu lomani kemuni. Ni yadra mai ragone. Its revelle time.

  9. Glo Says:

    Vei kemuni na Sotia. Au kerea moni yadra mai. Sa mai vakayagataki kemuni tu oqo o Mahendra Chaudary me vuaviritaka na noda matanitu i Taukei. Sa matata vinaka tu oqo vei keda ni ratou a bukiya na druadrua ni vuaviri oqo o Chaudary, E. Nailatikau, E. Ganiklau kei Voreqe Bainimarama. Eratou sa mai taura tu kina vakailoa na i tutu vaka Minisita kei na Prime Minister ni noda vanua o Viti. Eratou sa mai saumi tu kina ena i lavo levu e sivia na $50,000.00 + benefits. Eda sa vakadinadinataka tu oqo na levu ni dredre kei na vakaloloma ni bula e kauta mai vei keda na vuaviri – vakabibi vei keda na kawa i Taukei. Au via tarogi kemuni na Jnr Offrs, Snr NCO’s, kei kemuni na Other ranks, e bau dua na benefits e kauta mai vei kemuni na Vuaviri oqo se sega? Kevaka e sega, sa dodonu meda yadra mai ragone.

  10. anon Says:

    Keu sauma na taro ni “cava na yaga ni vuaviri oqo?” da raici iratou mada ga na noda sotia veiliutaki tiko o oqo, sara mata munemuneke mai, Raici Leweni, Voreqe, Driti, Teleni kei ira na minister eso, Nodara curu mai se ra matalila ka vuka, io oqo sa lumisa ka tawa na matadra. Ena dela ni gauna oqo kada, sasaga taka tiko qo na noda i sau vakacakacaka me vei rauti kei nai sau ni bula ena veisiga. Meda raica ga nai sau ni Sovu, masi ni bati, veva ni valelailai, waiwai ni kakana, falawa, pateta, sucu kei na vei ka lailai eso da vakayagataka e vei siga. Sa da leqaleqa vakalevu, levu sara sega ni rairai bulabula ena nodra leqa taka tu na nodra bula vaka vuvale e vei siga.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: