Veiwasei lekaleka mai vei Tokasa

VEI KEMUNI NA SOTIA MAI NA KEBA:

Ke sega na LOTU kei na VULI, na vakasama, na yalo kei na yago e sa nona kece o Bainimarama. Rai ki yasana i mawi, O na rai, ko sega tale ni qai taroga baleta na cava me’u rai kina ki na yasana i mawi. Ke tukuni mo lade, o na lade veitalia na cava e tu mai ki ra. Qori na bula dina vakamataivalu.

Ia na lotu DINA ga kei na VULI ena vakayaco TARO ena nomuni bula. Ke tiko na vakatataro, o na raica na gaunisala malumu ena kena dau saumi kina na vakatataro ni yalo oqori.

E vukea dina tiko na mataivalu na toso i liu kei na tubu ni matanitu?,

E kauta tiko mai na mataivalu na veilomani ena vanua lomani oqo ko VIti?

E kauta tiko mai na mataivalu na yalo e dei ka sega na rere vei ira na noda gone?

Me vaka ga na nomuni dau cibi ena nomuni mata taka na nomuni vanua ki na vanua ni veitaqomaki, o rawa talega ni cibi vaka kina ena nomu marautaka ni tavi o qarava tiko oqori ena keba e kauta mai na vakacegu vei ira na lewe ni vanua, vei ira na lewe ni nomu i tokatoka, mataqali, yavusa, nomu i tikotiko, ka vakauasivi kina nomu matanitu se de ko sega soti ni kidava niko vakacegui Voreqe wale tikoga kei iratou nona i lawalawa.

Na kalou e na rawa ni vakaraitaka vei kemuni na veiwekani o ni rawa ni veitalanoa taka vata na vei vakanananu lelevu ka lalai ko ni dau vakasamataka ena veisiga ena nomuni vauci tu vaka cakacaka ena keba.

E na solia vei kemuni na gaunisala mo na rawa ni rai rawa kina, kidava kina na cakacaka vaka polotiki dukadukali o ni mai vakayagataki tu kina oqo ka ko ni tokona tu kina na veivakasaurarataki ni leweni vanua, na laba kei na mavoa.

Au kerea mo ni vakasaqara na Kalou ena gauna bibi oqo. Ke ko ni leqataka na i vurevure ni bula vei kemudou vakamatavuvale, na Kalou e dau veivakurabuitaki, ena dolava na veikatuba lelevu ko sega ni tadra ena nomu bula me na dolava vei iko kei na nomu matavuvale. TRUST this God and he WILL GIVE YOU THE DESIRES OF YOUR HEART !!!

Na loloma duadua ga ni Kalou, ke tiko kece vei keda, eda na dau dua vata tiko ga na i rai eda na rai kece tiko kina. Wili kina na nomuni i liuliu kei ira na tiko vata e yasana.

Tovolea mo raica matua tiko na Kalou oqo, raica matua tiko na dui watimuni, luvemuni, wekamuni kei ira na kai nomu ka me yadrava tiko na nomuni vakasama na veivakayagataki ni vunica. Na vanua ga o tiko kina na vure tiko kina e so na vakasama oqori e cake, kila tiko ni Kalou e gadrevi iko mo kerea vua me LIUTAKA nomu bula. Keimami LOMANI KEMUNI, e da sa rawa ga ni veimasulaki, IA NA DIGIDIGI e NOMUNI.

Mai Vei Tokasa

One Response to “Veiwasei lekaleka mai vei Tokasa”

  1. Gl Says:

    Vinaka vakalevu Tokasa. Sa dede o ni qai rogo tale mai. Ke vakawasoma toka ena vinaka sara. Sa dodonu meda vakasalataki ira tiko na wekada sotia, baleta ni levu vei ira, era muri sara tu ga vakamataboko. Ke rawa walega me ra raica na ka sa yaco tu oqo. Era sa kania tu na uro ni vuaviri o ira na nodra i liuliu; Voreqe (PM,Min of Home Affairs, Commander) Nailatika, Ganilau, Chodory, Ayiz,(Ministers),Shameen, (Obudsman), Teleni(PC), Naupoto (Dir IM), Leweni, Smith, (Diplomats) Rokomokoti (magistrate), … Na taro au via tarogi kemuni kina na Jnr Officers, Snr NCO’s, kei na Other ranks, “Na benefits cava e kauta mai vei kemuni na vuaviri? vei kemuni na TF kei na Reserve, e vuqa vei kemuni sa tu tale e tuba ena gauna oqo. O ni sa mai lasutaki, ka vakayagataki moni mai vakarawa tu ga ni ka vei ira eso na tamata. Ni yadra mai ragone.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: