Veiliutaki Butobuto

Sa mai tini na nodra strike na noda nasi kei ira na noda qase ni vuli. Ia ena sega ni cava e kea. Sa na yaco ena mataveilewai. E kaya na matanitu ni ratou lusi o iratou oqo, nanuma beka o iratou na i lawalawa ulukau qo ni caka tiko e dua na qito. E sega ni dau mai qitori na bula ni tamata. E sega ni dua e lusi se wini. E dua ga e dina ka dua e lasu. E ratou kauta tiko ga mai na matanitu na nodratou ‘contingency plans’. E da voleka ni rogoca vaka dua na drau na vosa qo na ‘contingency plan’. Sa sega soti ni bibi na tamata sa bibi cake na plan.

E na nodratou sega ni via walia na leqa na matanitu, da raica kina ni ratou vakaraitaka tiko ga na i vakarau ni yalodratou. Yalo vaka vatu. Yalo ni dau veivakasaurarataki. Yalo ni dau veivakararawataki. Yalo ni dau biliraka sobu na tamata cakacaka. Yalo vakatevoro. Sa maliwai keda tu qo e dua na ‘spirit of injustice’. Gauna a tekivu kina na coup e a tubu cake vakaveitalia na kedra i sau na mataivalu. Eso era a biubiu mai na nodra vanua ni cakacaka me ra veisugusugu cake ki Delai Nabua. E a vakayagataki na i lavo ni matanitu me ra saumi kina e dua nai lawalawa levu oqo. E ra a vakayagataki mera vuaviritaka na matanitu. E ra a vakayagataki me ra kauta laivi na noda dodonu na lewe ni vanua. E ra a vakayagataki me ra vakararawataka na lewenivanua. E ra a vakayagataki me ra laba ka veivakamatei. E ra a vakayagataki me ra vakamalumalutaka na liga ni lawa. E ra a vakayagataki me soli kina na galala vei ira na nodra turaga ni valu me ra ‘promote’ kina vei tutu lelevu e so. Nanuma vinaka na vosa oqo- “VAKAYAGATAKI”.

Ia oqo, ni ra valataka na kedra i sau na nasi kei na qasenivuli, o ira ka dodonu vakalawa me ra saumi, e sega sara ga ni via yavala nai lawalawa oqo. Nanuma vinaka qo kemudou nai lawalawa dau veivakasesewani oqo, ke dua na ka e dau cata na Kalou o ya na ‘injustice’, na kena vakavevei na lawa. E dau kainaki ni balavu na liga ni lawa. Na vuna oqo baleta ni yavutaki na lawa ena i Vola Tabu. Nai vunau se lawa ka soli vei Mosese o ya na lawa ka ra yavu kece kina na lawa e tu e vuravura e na siga edai. Na kena veibasai o koya sa yaco tu ni kua ka vakatokai ena vosa vakavavalagi na ‘Lawlessness’, se na bula vakaveitalia, ‘cakava ga na lomamu’, ‘sega ni dua na leqa’, ‘no sense of order’.

Tekivu na coup kaya o Voreqe ni sega ni dua vei ira ena taura nai tutu vakamatanitu. Yacova mai nikua e sega tale ni yaga me da kaya e dua na ka baleta ni sa qai matata tiko ga mai na mata ni meke. Sa curu rawa i loma o bokala, guilecavi o ira na nona boys, vodo pajero o koko, tini tale na basi o kaku- vinaka me basi- so era paidar.

Na i lakolako e tekivu ena lasu ena cava ena veilecayaki baleta nai lakolako ni lasu e veikau kina vanua butobuto. Na tamata lasulasu e sega ni kila o koya na vanua e veikau tiko kina. Ia, kevaka e kila, sa qai dua na vanua vakaloloma. Kevaka o na sega ni tucake na wekaqu o iratou nai lawalawa lailai oqo era na kauti keda taucoko kina rusa. Rusa na noda dodonu, rusa na noda veisiga ni mataka, rusa na noda vanua.

3 Responses to “Veiliutaki Butobuto”

  1. Kaiviti Says:

    Vinaka vakalevu na i lalakai. Sa dina sara, sa qai matata vinaka tikoga mai na mata ni meke. E dau beitaki PM Qarase o Voreqe ni liutaka tiko na cakacaka vakabutobuto kei na kocokoco. Ia eda sa sarava tu oqo na cakacaka ni kocokoco kei na butobuto.
    1. Sa mai kovea tu oqo na i tutu vaka PM. Min H.Affrs, sega ni via solia na i tutu vaka RFMF Comdr vua e dua tale. (Hunger of Power)
    2. Vakasakei O Ratu Joni Madraiwiwi me rawa ni sosomitaki koya o Nailatikau. (Hunger of Power)
    3. Era vakasakei na lewe ni GCC baleta ni ra sega ni tokona na vakatutu me VP o Nailatikau. (butobuto)
    4. Sega tu ni macala na veivaqaqai ni Regimental fund, Nodratou mate na CRW, Nimilote kei Rabaka. (butobuto)
    5. Solia vei Teleni me Police Commisoner me rawa ni bokoca kece na kisi e beitaki tiko kina. (Butobuto)
    6. E cakava rawa tiko na ka kece oqo baleta ni ratou tu mai dakuna o Rt Josefa Iloilo, Nailatikau, Ganilau, Chodory kei ira na Labour Party.
    7. Na nodratou i naki me vakawabokotaki na ka eda dau vakamaregeta na i taukei o ya na Qaravi Kalou (Lotu), Veivakaturagataki (GCC), kei na noda qele na i taukei (NLTB).
    8. Me’u vakalekalekataka “Eda sa volitaki na kawa i Taukei”.
    9. Era dau tukuna ga mai Rabi, “E sega soti sara ni bibi na kena i lagalaga, e bibi ga na matana” tek..tek..tek..tek.

  2. Taukei Says:

    Io sa dina sara. Sa ka levu na cakacaka ni butobuto sa mai donui keda tu qo mai na veika sa vakaraitaki toka mai cake. E da vakavinavinaka taka na noda kalou ni sa qai vakaraitaki koya tikoga mai na Dina ka da waraka tiko mai. Na veika e toka mai cake e vica walega na kena i vakaraitaki. Sa mai ceburaki tale qo na cakacaka vakai lawaki nei Chaghry baleta na nona via levea tu na sauma ni Tax. Oqo na kedra roka na veiliutaki tiko kei Voreqe ena Matanitu tu wawa qo. Na i vola Tabu e kaya ni ” ra na tamusuki me vaka na co” ka ” na raica na matada na nodra tamusuki na i valavala ca”.. Me da vakaukauwa ena masumasu ka ni ra na basika mai na Dina kece. O cei e kila de nona sala vuni na Kalou me ceburaki mai kina na veika e ra vunitaka makawa tu mai vakabalavu. me vakarau talega na keba ni Mataivalu baleta na kena rawa ni ceburaki mai na cakacaka ni butoibuto ka vunitaki tu mai vakabalavu ena Mataivalu me vaka na Regimental Funds kei na Abuse of Office. Na noda Kalou e sega ni tamata me vakalialiai. Na ka eda na tea eda na tamusuka.

  3. somalal Says:

    Mera vakaqaqai nia sa oti oqo.Sa tu rawa ga na FIKEK

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: