Na Veivakalaboci ni Foreign Troops Intervention

Na Veivakalaboci ni Foreign Troops Intervention

A vakadeitaka mai e dua na noda Turaga ni Valu ni sa baci kama tu qo vaka na veigasau mai na loma ni keba ni Mataivalu e Delai Nabua na i tukutuku ni nona sa baci beitaki tiko o Paraiminisita Laisenia Qarase ni sa baci vakasaga tiko me kabai vakaivalu mai na noda Vanua mai na Mataivalu mai vanua tani me vakataki Ositerelia kei Niu Siladi.

E kaya na Turaga ni Valu qo ni vaka me ra sa vakasesei tu na noda lewe ni Mataivalu ka me sa dina kecega na veika e vakaraitaka toka mai o nodrai liuliu o Bainimarama. [“The Boss is always Right” ].

Vei keda na vakamuria tiko mai vakavinaka na veika e yaco tiko e noda Vanua, eda kunea ni oqo e dua ga na lasu kei na veivakalaboci levu ka me uturi tikoga kina na nodratou yameyame ni buka se na propaganda [misinformation campaign] strategy ni Mataivalu.

Na veika qo eda vakadinadina taka ni sa mai vesu mona taki ira vakaukauwa sara tu ga na lewe ni noda Sotia.E matata vakasigalevu tu vei keda ni ratou sega ni vinakata na veiliutaki tiko kina Mataivalu ni Viti na kena kabai yani vakai Valu na noda Mataivalu baleta ni sega ni tu na kaukauwa kina ni Mataivalu ni Viti me veivorati. E sega talega ni ka rawarawa na kena curumi yani vakaukauwa e dua na Vanua [on Sovereignty Principles] mai vei ira na Mataivalu mai vanua tani.

Sa beitaki toka mada ga o PM Qarase ena gauna oqo [as a scapegoat] me rawa na i ulubale me ra vakacegui ka vunitaki toka kina na dina mai vei ira na noda Cauravou e Delainabua….Keep the Fire and False Alarm Burning!!!.

E sa vakadeitaka tale ga vei keda na vakaitamera kei na levu ni ririko, na rere kei na nui qawaqawa sa tiko vei iratou na veiliutaki mai na loma ni keba mai Delainabua ena kena sa vakilai ni sa toso volekati ira mai na siga ni tatamusuki!!!!..

5 Responses to “Na Veivakalaboci ni Foreign Troops Intervention”

  1. Kaiviti Says:

    Dina taucoko na nomu i tukutuku Taukei. Na i yaragi levu dudua ni tevoro (Voreqe) na lasu. Sa baci biu tale mai na Emergency decree baleta me rawa ni tabaki sobu kina na DINA, meda qai lasutaki tiko mai vua. Na emergency decree e caka me taqomaki Voreqe kei ira na nona i lawalawa, e ratou qai lasutaka tiko me taqomaki keda na lewe ni vanua. Eda kila vinaka ni ka kece e vakaraitaka tiko o L.Qarase na noda PM, e dina kece. Ke vakacava sara na levu ni ka ena via lasutaki keda kina, na nona veimataka sa matata tu vakasigalevu. Me vaka koni sa vakaraitaka toka e cake.”He will reap exactly what he sow, later then he show, more then he sow”. Keirau a veitalanoa tiko kei na dua na Major mai na keba. Turaga oqo e a tokoni Voreqe ena i tekivu ni vuaviri. Na gauna sa raica kina na ka dina, totolo sara sa biubiu mai na keba. E levu talega na turaga era sa biubiu baleta tikoga ni sa qai rai mai na matadra. E levu na sotia era sa vasaqaqara job tiko e tuba ena gauna oqo. E levu talega na sotia era tu ena keba, era tu ga baleta na i sau ni madrai kei na bula ni matavuvale. Era sega saraga ni tokona na vuaviri. Na gauna oqo e dua na draki veilecayaki ni bula sa tu ena loma ni keba. Sa sega na veivakabauti. Kevaka me invade taki Viti na mataivalu ni Australia, ena lala na keba, sega ni dua na sotia ena via tokara na nona uniform. O ya na strategy nei Voreqe. Na vuna baleta ni sega ni dua e via mate. E sana tukuni kina nai bole ni tukai Lt Col Tevita Uluilakeba, “datuvu..bulabalavu” Eda vakavinavinaka vakalevu ni se vakatulewa tikoga na noda Kalou ena i lakolako oqo. He is the God of justice.

  2. Taukei Says:

    Vinaka Kaiviti,
    Na i vola tabu e kaya ni tama ni Lasu o Setani na Gata levu.. Oqo na ka e bibi sara tiko kina na veika o n i vakaraitaka toka mai oqo. E sa sega ni vakayago ga na ka sa caka tijko qo. Na Gata levu qo na Tama ni Lasu e sa veidoloyaki voli qo ena i tukutuku lasu kece me na vakabulai ira tiko kina na nona. Ia na Kalou ga ena rawata… da waraka tiko. Sa vakaiyalayala tu ga na nodra gauna na dau lasu. Wale tikoga qo sa na ceburaki e dela vuvu ni vale na veika kece.

  3. Kaiviti Says:

    Vinaka Taukei,
    Au vakabauta ni sa tekivu ceburaka tiko e dela ni vale na Kalou, meda raica na ka dina. Eratou beitaki PM L.Qarase ni a liutaka tiko na cakacaka vakabutobuto kei na kocokoco. Me yaco tiko mai ena gauna oqo, sega ni dua na kena i vakadinadina. Eratou savasava vinaka tu na SDL. Eda sa sarava tu vakasigalevu na cakacaka vakabutobuto, kocokoco kei na veilasutaki eratou cakava tu mai ena loma ni 9 na vula sa oti na i lawalawa Illegal govt nei Vore. Sa dina sara na vosa nei PM Qarase, “Sa qai matata tiko mai na mata ni meke”. E dua na ka au via tukuna eke. Me ratou kakua ni guilecava ni se vakatulewa tikoga ena matanitu e Viti na Kalou. The writing is already on the wall for them and their days are numbered. E se solia tiko vei iratou na Kalou na gauna, me ratou veivutuni, ni se bera ni lutu na nona i tuki (Justice). Ena davo kece na lasu ni sa tucake mai mai DINA. Moce toka mada vakalailai Taukei.

  4. bluebird Says:

    E na vula o Tiseba kei na vula o Janueri sa oti e a yaco kina e dua na cagilaba levu ka ualuvu e so na veikorokoro mai Vanualevu.

    E na gauna qo sa yaco tiko e dua na lauqa (drought) levu e na yasayasa vaka Ra me vaka e tukuna tiko o Rajendra Prasad na Director ni tabacakacaka ni draki mai Nadi.

    Na cagilaba kei na lauqa e sega ni vakavuna na tamata, e vu tiko mai na lewa ni Kalou. E sa qai matata tiko mai na veika vakatevoro era vakayacora tiko na lewe ni IG.

  5. Kaiviti Says:

    Na i Vola Tabu sa vakamatatataka tu, ni tevoro “na tama ni lasu (father of lies)”. Na nodratou i yaragi naba dua tiko na Illegal govt oqo na lasu. Eda sa rawa ni raica e ke, o cei e tiko mai dakudratou na i lawalawa oqo – Setani. Eratou na lasutaki keda tiko me yacova na gauna ena tucake mai kina na DINA. Ni sa tucake mai na dina ena davo na lasu. Tukuna o Jisu, “Oi au na sala, na DINA kei na bula”. Eratou sa mai taura tu oqo na i tutu cecere ni matanitu ena gaunisala ni tevoro (vuaviri – lasutaki keda ni veivakasavasavataki). E dua ga na sala sa tu e matadratou ena gauna oqo, o ya na gaunisala siro. Ena sega ni dua na nodratou digidigi e kea, e sana yaco ga me vaka na i vosavosa o ya. The higher you go the harder you fall. Au na tukuna tale, “The writing is on the wall and your days are numbered Vore and company. It’s just a matter of time now. Dou na qai kila kina ni vakatulewa tiko ena matanitu ni tamata o koya sa cecere sara.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: