“Naulu na Mataivalu ni Viti kina Bara ni Savu me na laki lutu ka dromu yani kina vakadua” – Sotia [2000 coup].

Ena gauna sa mai lauvana mate kina o koya na cauravou ni Namara, Tailevu [Koli] mai vei ira na lewe ni noda Mataivalu ena vuaviri ni yabaki 2000, a qai vakaraitaka o Sotia[sega ni yacana dina] vei ira na tu e loma ni bai ni Palimedi e dua na i tukutuku bibi ka vaka qo na veika e kaya:

” Kemuni Ragone, ena noqu cakacaka vaka sotia, [as a Professional soldier] au sega vakadua ni tadra ena noqu bula ni na rawa vua na Mataivalu ni Viti me vanai koya tale e dua ga na nona i tokani se na wekana gone i Taukei.

Ia sa davo tu qo e matada o koya na gone tagane qo ka vuetaki mai vei ira sara ga na noda lewe ni Mataivalu ni noda vanua.

Au sa vakadrukai ka luluvu vakalevu ena noqu i tutu vaka Sotia lewe ni Mataivalu talega , ni sa mai vakavotukanataki sara tu ga qo e mataqu na veika au sega vakadua tu ni namaka me na yacovi keda e Viti ena dua na gauna.

Au gadreva meu na vakaraitaka eke e dua ga na ka kau kerei kemuni kece mo ni qai vakaraica sara toka vakavinaka na kena gauna.

Na veika sa mai yaco qo ni kua, au via vakaraitaka yani vei kemuni, ni noda Mataivalu ni Viti, ena kena cecere, kei na levu ni veika vinaka e dau kilai tani tu kina, ni sa oti vakadua sara ga tekivu ni kua.

Ena veika walega sa da mai vakadinadinataka qo ni kua [ena nona lauvana o koya na cauravou ni Namara], au via kaya ga vei kemuni, ni noda Mataivalu ni Viti e sa naulu sara tu ga qo kina dua na bara ni savu levu me na laki lutu ka dromu yani kina vakadua”

Na vosa nei Sotia-2000 mai na loma ni bai ni Palimedi.

Source- Anonymous

4 Responses to ““Naulu na Mataivalu ni Viti kina Bara ni Savu me na laki lutu ka dromu yani kina vakadua” – Sotia [2000 coup].”

  1. Kaiviti Says:

    Na mataivalu ni Viti e dau kilai e vuravura ena personal discipline ka dau tu vei ira na nona sotia. Na vuna, baleta na discipline e tekivu saraga mai vei ira na i liuliu. Na mataivalu ni Viti e tiko na kena “Standing orders”. Na standing orders oqo vakamatatataki kece kina na operations kece ni mataivalu me yaco sara kina dress code. Au dau vakaraica toka e vica na nodra tayabe ni vei vakarerei (phsycological warfare) na sotia ka liutaki ira tiko kina o Common door Vore Baini Marama. Era vaka uniform kece tu ni Viti na sotia, o koya duadua qai tokara tu na comouflage ni mataivalu ni Bagladesh. Dua tu vua na sunglass loaloa, qai coba tu e daligana edua na walkman. Oqo sa veicalati saraga kei na RFMF SO dress code. Dua tale na officer dau sling taka toka e yavana na nona pistol. Eda dau raica ga na ka o ya ena so na Western cowboys movies. O ya na vanua sa tiko kina na mataivalu ni Viti ena gauna oqo. Keirau a veitalanoa toka kei na dua na marama ni Mereke ena dua na rara ni waqavuka mai Kuwait – keirau waraka tiko na neirau flight ki Iraki. Au kidacala ni tukuna mai vei au na vosa oqo. ” I saw some soldiers wearing some blue helmet yesterday, they are so overweight with big stomach. I don’t think they can fight”. Au qai kila e muri ni o ira na sotia ni Viti. Sa dua na ka na noqu madua. Na discipline e dau kilai tu kina na mataivalu ni Viti, sa balawa tu ga ni vakanananu ena gauna oqo. Sa mataivalu tu ga ni gunu yaqona, kakase, veilasutaki kei na veiliumuritaki. Oqo na ka e kauta mai O Vore, e dua na gone dau vakatasosoko tu ga mai Kiuva kei Walu bay – vica toka ga na kena bavelo lalai. Oqo na leqa ni veidigitaki vakavanua e rau cakava vua o Epeli Ganilau kei Rt Mara. Biu vakatikitiki o Maj Gen Konrote kei Brig Gen Waqanisau tauri o Ulukau Vore Baini Marama. Na vuna levu duadua o ya me rawa ni rau vakayagataki koya ena gauna erau sana tu kina e tuba. Eda sa vakadinadinataka tu oqo e Viti na cala ni veidigitaki o ya. Au vakabauta ni sa vakarau oqo me promote mai na “Commondoor” kina “Admiral of the rear” … ena qai tomani tale yani.

  2. Kaiviti Says:

    Na mataivalu kece e vuravura e tolu na kena i wasewase vaka ranking. Other ranks – Privates to Corporals. Warrant Offrs and Snco’s – Sgt to Warrant Officer Class 1. Officers – 2rd Lts to Generals. Na vuna e wasei tu kina vakaoqo baleta na discipline kei na sotia me kila na vanua me dau draw taka kina na nona line. Me kakua ni vakaveitaliataki se vakavanuataki na mataivalu. Ia e Viti ni sa caka na gunu yaqona, sega ni kilai o cei na private se o cei na officer ni sa carubi na veitalanoa kei na veiwali. Ena gauna era dau tu kina mai na Tokalau e loma, o koya ga e levu na nona yaqona sa turaga levu. Eda kila vinaka na ka e dau kauta mai na yaqona, na lasu, kanikani, vucesa kei na vuqa tale. Na yaqona na i yaragi naba dua ni qaravi tevoro. Na mataivalu ni Viti sa sega ni discipline force, sa grogy force. Sa sega ni mataivalu ni veitaqomaki, sa mataivalu ni vuaviri. Eda sega ni kila se vica na milioni na dola e solia vei Commondoor Vore baini marama o Mahendra Chodory me vakayacora kina na vuaviri. Au vakabauta ni dua na gauna lekaleka ga oqo sana ceburaki kina ena delavuvu ni vale.

  3. bluebird Says:

    From “commondoor” to “butt admiral”.Ka ga ya sa rawa ni va’yacani tu kina o Voreqe.

    Na i rogorogo taleitaki ni noda mataivalu e liu, e ka ni rarawa vei keda na lewe i Viti, e sa sega ni vaka e na gauna ni nikua.

    Au nanuma sara na gauna a se turaganivalu kina o Colonel Jim Sandy. E na gauna o ya era dau vakarokoroko vakamataivalu (salute) kina na nona sotia (detail) ke dua na Turaga i Liuliu ni vanua era sota e gaunisala.

    E na gauna oqo e sa tukuni vei ira na noda Turaga, e na vosa veibeci mai vei butt admiral Bainimarama me ra laki gunu “homebrew” e ruku ni vuni maqo. Ke sa vaka tu oqo na mataqali vakasama ni i liuliu ni mataivalu ‘qo, o cei talega me na qai dokai koya kei ira no nona i lawalawa.

  4. kaicolo Says:

    Au raica tu ena TV ni a dara tu e dua na ‘uniform ‘ ni ‘Airborne” ni Merika o, Qiliho, na uniform e dara tu o koya e uniform era dau dara ena dokadoka na kai Merika ka sa vakairogorogo e vuravura,au sega ni kila na cava e dara tu kina o ra b…. Na standing orders ni mataivalu e tu kina ni tabu ni daramaki na foreign uniforms,ke sa via dara na uniform ni Merika lai curu ki na mataivalu ni Merika.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: