Epenisa Cakobau

“Na turaga e sa mai Vua na Kalou”

Oqo e dua na tiki ni Vola Tabu lekaleka ka titobu. Kevaka e sa mai vua na Kalou e dua na turaga e kena i balebale ni dodonu vua me sema tiko vua na Kalou. Na veivatulewa e cakava e dodonu me Vakalou. Nona bula me Vakalou.

Ena macawa sa oti a kau cake ki na keba o la na turaga ni Bau qo ena nona a veitaratara kei dua na cauravou sotia ena loma ni vale ni danisi. A rarawa vakalevu na turaga qo ka ni a lai moce ena cell ni mataivalu. Au duavata kei koya ena tikina qo ka ni a yaco e loma ni vale ni danisi na veivala ka sega ni dua na nodratou bisinisi na mataivalu. Ia, na taro talega me da taroga qo, na cava sara mada e lai cakava tu i vale ni danisi e dua na turaga ni vanua. Qo e nodra cakacaka ga na gone lalai. Au tokona kina nodra rai eso ni oqo na kedra i yaloyalo na noda turaga ni vanua- dau mateni qai vagonegonea. Sa ra sese na mataivalu, sese nai talatala ka ra qai sese na turaga. Me ra qai rai tale kivei o ira na noda gone ke sa va tu qo na ravisi ni veiliutaki ena noda vanua.

6 Responses to “Epenisa Cakobau”

  1. Kaiviti Says:

    He has shown you, O man, what is good; And what does God require of you But to do justly, To love mercy, And to walk humbly with your God? Micah 6:8
    Let us hear the conclusion of the whole matter: Fear God and keep His commandments, For this is man’s all. For God will bring every work into judgement, Including every secrete thing, whether good or evil.

  2. VB4FJ4Eva Says:

    Dua na ka meda na nanuma tiko ni voleka ni o ira na turaga kecega ni noda vanua era a rawata na nodra i tutu vakaturaga e na veivaluvaluti, na veivakamatei kei na veikanikani. Au sega ni vakabauta ni dua vei ira oqo “e sa mai vua na Kalou.” Se Kalou cava sara mada e vakatara na veikanikani me sala ni nona rawata e dua na turaga na nona i tutu. E da kila vinaka taucoko tu ni vaikanikani e sema vakavoleka sara ki na qaravi tevoro. E sega sega sara ni tovo vakalou.

    Kevaka meda na raica lesu nai tukutuku ni yanuyanu o Bau, e dua ga na turaga ni yanuyanu lailai oya, sa i ratou na Yavusaratu. Ia me’u na tukuna talega eke ni sega tale ni qai dua e kawa dina ni Yavusaratu mai Bau e bula tiko e na gauna oqo ni ratou a sa kawaboko e na nodratou a valuti mai vei iratou na Vunivalu o koya e ratou sa turaga tiko mai Bau e na gauna e daidai. O ratou na taura tiko nai tutu ni Roko Tui Bau e ratou kawa ga ni vasu ki nai tutu oya. E da kila talega e na veitalanoa e da vakawilika ka rogoca ni dua na sala e dau vakarerei kina o ira na meca kei Bau oya ni ra sa dau kau mai na bokola, ra sa qai dau mai vakamatei ka ra wasei e loma ni rara ni bera ni ra qai vavi me ra laukana. Se i tovo vakalou ya se sega?

    Ni’u lesuva tale nai ulutaga ni veitalanoa, ke tiko vei Ratu Apenisa nai lavo ka rawa ni sauma kina na nona i curucuru ka volia rawa talega kina na mena beer, o cei o Tomu , Dike kei Yare me ratou lai tukuna vua ni sega ni dodonu me curuma na vale ni danisi. E sega ni vanua me ra lakova ga na gone lalai ka sega talega ni vanua e ra lako duadua ga kina na gone na vale ni danisi. O koya ga e tiko vua nai lavo. E dui tu vei keda na noda vakatulewa meda na rokovi ira se meda na beci ira na noda turaga vakatau tiko e na bula e ra bulataka. E noda ga na kena vakatulewa.

    Ni gauna ga e gadrevi kina na nodra veiliutaki, era na tiko me ra liutaki ira na nodra lewe ni yavusa ena kenai tavi taucoko sara. Na nodra gauna ni vakacegu ka ra via lakova yani kina e so na vanua ni veivakamarautaki, o cei o iko kei au me daru lai tukuna vua me me lai moce vakayakavi ni sega ni dodonu e na nona i tutu vakaturaga me mai curuma tu na vanua vakaoya. Nai yaloyalo cava o na qai via raici koya kina e na bula e bulataka, ya sa qai nomu vakatulewa saraga.

    Sa nonai i tavi na turaga me liutaka vakavinaka ka lomana na nona tamata ka sa nonai tavi na lewe ni vanua me rokova ka lomana talega na nona turaga. Kevaka o sega ni via vakayacora na nomu i tavi vaka dua na i taukei lewe ni dua na yavusa ko vola kawa bula kina, e na sega saraga ni dua na lawa e na delai vuravura oqo o na veilewaitaki kina e na mataveilewai. Oya baleta ni mataveilewai e yavutaki mai na vei dodonu e vauci keda na lewei vuravura taucoko. E na yavu ni vakavulewa kei na veilawa ni noda vanua, e sega ni dua e turaga ka sega talega ni du e kaisi. E da sa tautauvata kecega.

    Koya gona oya, o Ratu Apenisa e vakayacora tikoga na nona dodonu me curuma na vanua ni veivakamarautaki ka vakayagataka na nona i lavo me volia kina na mena beer. Na nomu nanuma baleta na vanua e a tu kina ka vakavuna na nona lai coko tu e na veivakacudrui oya, qori talega e nomu dodonu. Sa vu levu duadua ga ni noda leqa nai taukei e na gauna e daidai ni da sa rui dau lai siova e so na ka e sega saraga kina na noda bisinisi. Sa bau rauti keda madaga o ratou na mataivalu busy-body ratou sa mai minding everybody’s business voli qo.

    Sa veisau vakalevu na gauna ka sa oti ka yali yani na veitovo ka ra a kilai kina o ira na noda qase. Ia me na kua ni na yali vakadua vei keda na vakasama ni o keda e da dua na kawa tamata matalia e na dela ni vuravura oqo ka dua na ka eda kilai tani e vuravura oya na noda dau veimaroroi. Ni o sa tekivu mo na ceburaka e dua na nomu turaga, mo kila vinaka sara tiko ni o ceburaki iko tikoga. E na sega ni na bibi na kena tarogi, “O cei qo?”, e na bibi ga na kena tarogi, “e kai vei o koya qo?”.

  3. Tukuni Says:

    Io, eda sa sese, eda sa lako sese kecega. Sa sega e dua sa i valavala dodonu, sa sega sara e dua[Roma 3:23]. Me vaka na sipi, eda sa lako sese kecega ena Mata ni Kalou”. Na vu ni kena vakayagataki na sipi ena tikina oqo baleta ni o ira na sipi e ra dau veimurimuri tu ga. Sa liu tu ga nodra i liuliu era sa muri yani na kena vo. Edau kaya voli e dua na Turaga ni Lakeba ya ‘era veituitui vaka na soseti[sausages]…oya na i yaloyalo ni ni noda leqa na tamata ni kua. Eda sa lako sese kecega. O ira na Turaga, na lewe ni mataivalu ka okati kina o kedatou na mai veitalanoa tiko qo. Kaya o Paula na I Apositolo ena Roma 7:24 ” A tamata vakaloloma ko i au; o cei ena sereki au mai na yago ni mate [i vesu ni ca] oqo?.. Sauma talega o koya ka kaya[Roma 7:25 ” Au sa vakavinavinaka vua na Kalou ena vuku ni noda Turaga ko Jisu Karisito …Oya kemuni na wekaqu na Vanua me da dro kina ke da gadreva na bula ena gauna ni kua. Me da raici Jisu kecega ka ni o koya ga na Bula kei na Sala ni Bula..Turaga, Sotia se tawavanua, o Jisu e noda kecega…Me da gumatua ga ena veinanumi ena masu….

  4. iTaukei Says:

    Vua na wekaqu VB4FJ4Eva.

    Sa vinaka, au vakabauta ke o na wilika na vakasama ka koto e cake, au vosa tiko ena vakasama ni veiliutaki. Na veiliutaki Vakalou. Ia, kevaka ko sa vinakata mo biuta laivi na Kalou mai na ‘equation’ ena sega ni veisau na vakasama ni veiliutaki. O ya ke o iko e dua na i liuliu ni vanua, politiki, se bisinisi e dodonu mo qarauna na nomu i tovo, na roka ni bula o bulataka se na nomu ‘conduct’ ka me kakua ni baleca se sakasaka ia, me rakorako ka matau me kua ni mavoa se vakacalai kina e dua. Dina vakalevu kina nai Vola Tabu ni karua ni vunau levu duadua o ya mo ‘lomana na kai nomu me vaka na nomu lomani iko vakai iko’. Oqo dina na bula vaka i Taukei. Era rai tiko na gone, na cauravou kei ira na goneyalewa ka sai ira oqo nai sausau vou kei Viti ni mataka. Na veiliutaki se veisusu e yaco nikua ena vakatautaka vakalevu na mataqali tamata era na liutaki Viti ni mataka. Me da digitaka rawa qo na mataqali Viti eda vinakata ni mataka.

    Ia, se mani vakacava na cagi ni veisau e liwavi keda, na tiki ni Vola Tabu ka ‘quote’ taki toka e cake ‘Na Turaga sa mai vua na Kalou’ me na noda ‘guiding principle’ tiko ena kena vakadeitaki tiko na noda i tovo ni veirokorokovi kei na veidokai vei ira na noda vei Turaga Bale kei ira na vei Marama Bale ni noda vanua. Meu na kuria walega ena dua na vosavosa vakavalagi me ‘balance’ taka na noda rai- “If Change will not come from the Top voluntarily, it will come from the Bottom by Revolution”.

  5. Kaiviti Says:

    When I was a child, I talked like a child, I thought like a child, I reasoned like a child; now that I have become a man, I am done with childish ways and have put them aside. ICorinthians 13:11
    Brethren, do not be children [immature] in your thinking; continue to be babes in [matters of] evil, but in your minds be mature [men] ICorinthians 14:20

  6. Moce jo Says:

    E dau qaqa ni noqu masu, “Turaga; au sa nanumi ira na veiliutaki vakalotu, vakavanua, vakamatanitu e Viti. Ni solia vei ira na vuku, na yalomatua, ka vakabibi na yalo ni rerevaki kemuni me keimami liutaki vaka vinaka kina na lewe i Viti. Ia ena gauna oqo sa qaqa ni noqu masu, Turaga; ni vakarusa laivi na cakacaka ni vunica na tevoro, sa mai vuaviritaka tu na matanitu digitaki e Viti. Ni ceburaka tiko e delavuvu ni vale na nodratou cakacaka vakabutobuto na i lawalawa oqo me ratou kila ni o ni se vatatulewa tiko ena i lakolako oqo. Au sa sarava tiko na i sau ni noqu masu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: