Yadra Mada Talatala

Da raica lesu mada na i tekitekivu.

E dua na vosasosa vakavalagi e va koto qo “where the Church goes the Nation goes”- “na vanua e vakanaulu kina na Lotu ena muria na Vanua”. Sa dua nai vosavosa dina. Ni da sarava lesu na toso ni gauna mai na gauna a tadu mai kina ki Viti na Lotu da raica ka vakadinadinataka ni a cila e dua na rarama levu, rarama ni siga vou, rarama ni veivakurabuitaki, dolavi na matada, bale nai wau ka oti yani na veikanikani. O ira na noda qase era a lotu vakayalo ka vakaidina. O ira nai talatala era a tawasei ira mai na bula vakavuravura ena nodra vakasavasavataki ira kina cakacaka ni Kalou. A vakatobuicu na qaravi tevoro kei na qaravi vu. Dua ga na yaca e lutu mai na gusudra na noda qase, oya na yaca ni Gone Turaga o Jisu Karisito. Jisu Karisito. Jisu Karisito. Kalougata tiko o Viti ena vuku ni nodra a dinata na Kalou o ira na noda qase.

Toso tale tiko na gauna.

Nikua sa veicalati nai yaloyalo ni tamata ni Kalou. Ni ra vakatautauvatataki kei ira ena vicasagavulu na yabaki sa oti, era ‘no class’. Nikua era sa dau mateni ena yaqona, dau vosavosa ca ka dau veiwali ca. E ra dau gunu yaqona vakasivia. Na roka ni yalodra e sosoko ena veika era vatiloma. Nai Vola Tabu e vakatavulica ni ra vosa o ira qo e lako vata tu mai kei na nodra lua. Kena i balebale ni da rogoca ka tugana na nodra vosa eda sa tiloma tiko na nodra lua. E sese tu o Viti nikua baleta ni ra sese tu o ira nai talatala. Ke vinakati me maroroi na kawa i Taukei kei na vanua o Viti ena gauna ni veivakatovolei eda lako curuma tiko qo, ia, mera na dinata taumada nai talatala na nodra kaci ka vakasaqara na Kalou. Me ra tawasei ira ka ni cakacaka ni Kalou e cakacaka savasava. Mo ni tawasei kemuni nai talatala baleta o kemuni e dodonu mo ni domo ni Kalou ki na vanua.

Meda kilai Koya tale mada. Meda vakasaqarai Koya tale mada na noda Kalou, nodra Kalou na noda qase, ka me na nodra Kalou tikoga na noda gone!

6 Responses to “Yadra Mada Talatala”

  1. Kaiviti Says:

    The Bible said; “But as He who called you is holy, you also be holy in all your conduct, because it is written, be holy, for I am holy. IPeter 1:15-16.
    For the time has come for judgement to begin at the house of God; and if it begins with us first, what shall the end be to those who do not obey the gospel. IPeter 4:17. “He who has an ear, let him hear what the Spirits says to the churches”. These things says He who is holy, He who is true, He who has the key of David, He who opens and no one shuts, and shuts and no one opens. Revelation 3:6-7.

  2. Tukuni Says:

    Vinaka vakalevu na wekaqu Kaiviti. Ni vosota edua sa mai vakayagataka toka na yacadaru -“Taukei’ kau sa lade kina “Tukuni”. Au raica ni sa veisivi sara toka vakalevu na vakatagedegede ni Vosa e taurivaka na yaca ya ena vica na blog sa caka tiko mai. Straight to the point: Vinaka vakalevu na takitaki dina sa vakaraitaki mai cake. Au nanuma ga meu vakadeitaka yani ni sega ni Lotu,na Kalou ka vakararamataki Viti. Na roka ni Lotu koya sa mai vakaraitaki tiko ena takitaki ni ulutaga toka i cake. Sa kauta mai vakavoileka vei keda na bibi ni tikina ko ni vakaraitaka toka e cake Kaiviti. Kevaka eda vinakata me bula noda Vanua, ia na qaravi Lotu me sa vakalailaitaki; ka me da sa qarava mada ga na noda Kalou ko Jiova sara ga vakaukauwa. Na i Vola Tabu eda raica kina ni nona meca naba dua na Turaga ko Jisu ena nona Ministry, o ira na Qase ni Lotu ka ra buki veretaki koya ki na Matanitu Vaka Roma na yacova nona vakamatei. Na i yaloyalo qo e se caka tikoga mai qo ka da sarava ena veika sara ga ka talanoataki toka mai cake ena i ulutaga bibi oqo. Oya na drakidrakita ni leqa ni qaravi Lotu sa caka tiko ena gauna oqo vei keda. Oira qo esa na nodra ga na Lotu ka ra na sega ni vakaivotavota ena veika yalataki. Me vaka na Vosa ni Turaga ni sega ni oira ga era kaya “Turaga, Turaga”, ia oira ga era sa cakava na loma i Tamana sa tiko mai Lomalagi.E dodonu me da savasava me vaka ni sa Kalou savasava o koya na noda Kalou. Sa rauta na Lotu [religious] ia me da qaravi koya vakayalo ka vakaidina[in Spirit and Truth]..Na i talatala ni Kalou e dodonu me vaka na vale ni Cina[Lighthouse] ka me dau dusia na Course ni vanua me da gole kina. E dodonu me waqa vinaka, serau ka sega ni seseraurau me vaka eda sa kunea tu ena gauna ni kua. Ni vosoti au ke rogo roga ca ia sa i koya ya na dina ni veika au nanumi ni tusanaki tiko mai cake ena i ulutaga qo.God Bless Fiji.

  3. joll Says:

    Dina taucoko. Dua na cagi vou ka cagi ca sa liwa tiko, na cagi ni wele. Me da sa veivakayadrati ka veikuretaki de na qai vakamoceri keda vakadua na cagi qo!

  4. Bubu Says:

    E laurai na bula wele e na veikoro kei na saula ni noda vanua. E ra sega walega ni dabe na turaga kei na cauravou me ra gunu yaqona tu ka mani matakacaca yani. Nikua e Viti, sa yaco vei ira na lalai, goneyalewa, tina ni gone kei na dawai. Ni da vakarogo sere e na walesi na lomaloma ni bogilevu .. ni siga tara toka madaga sa duanaka na levu ni kere sere vei ira na ‘soso yaqona’ koya li ni sa vodo toka na yaqona sa ra vaka ra vosa tale tiko mai na samila e na raitio.

    Ni kena vakaraitaki vinaka ga o ya .. Ni yaco mai na covulaca e sega ni dua e tu me kidava na veisau ni draki, wai kei na kakana vakakina vei ira na manumanu. Me da qai la bilitaki bhaiya tiko mai na vale ni volavola ni cagi. O ira na tukada e ra matalia vinaka e na veika vaka oqo. Noqu yanuyanu na vanua e sautu kina na kakana ia koya li qo sa mai vodo boto tale tiko yani i Suva na kakana draudrau kei na i coi.

    Na i talatala na siga ni kua e ra sa matakavu. E ra sega ni madua taka na vosa taka na vosa ni Kalou. Taumada dodonu me ra raica na nodra bula, bula ni nodra matavuvale sebera ni ra tuki teveli.

    Sa dravuisiga tu na qele ni sega na liga me yavalata… !!

  5. jeremai Says:

    Dina taucoko, au sa sega sara ga ni kila e da bula tiko vaka cava mai Viti na gauna oqo. Sa da tu mada e na dua na vanua lailai qai qiqo noda rai dravuisiga na noda bula e na noda vei korokoro kei na noda tauni. Sa dua na ka na levu ni vosa vaka vuku e Viti na gauna qo, levu ni politiki e da vaka rogoca qai sega na toso i liu. Na wele ni lewe ni vanua kei na vucesa ni tamata yadua e na noda vei korokoro sa kani vei vakurabuitaki ka sa kani veitalanoataki e na gauna oqo.

  6. Toevu Says:

    wananavu dina na veitalanoa sa cawiri tu oqo. Au vaka vinavinaka taumada ni sa mai yaco tale tu edua na gaunisala meda soli vakasama kina mai noda ena veika sa kovuti keda tu qo, na matanitu, na lotu kei ira na tamata tabu saka yani. Au e dua au sa mai bula vakalekaleka tu oqo e vanua tani, ka au sa raica na veisau ni gauna kei na veika e yaco mai vanua ena veika au vaka wilika ena komopiuta. Au digova ni sa dravusakulukulu sara tu ga na noda bula na kawa itaukei ena kena veicurumakitaki kei na bula mai taudaku ni noda i tovo, okoya da kilai tani tu kina. Sa levu dina na veivagataki ni liuliu ni matanitu, liuliu ni lotu ka sa tete yani vei ira na noda dui turaga ena veikorokoro. Na veisivisivi,na veibetaki vakailasu, na lomaca, na butabutako, na tiko yavavala ena loma ni bai ni matavuvale. Sa sinai sara ga na veika roka ca sa basika tu ena noda vanua. Sa kila mai o vuravura na leqa esa robuti keda tu. Io da sa vakavinavinaka ga ni sa lomani keda tiko na kalou mai lagi ena gauna dredre oqo, sa rogo tiko na noda masu na luvei viti. ‘E na qai galu ga mai o sakaraia’ , eda sa solia na tiki ni noda nanuma kei na soli vakasama ena gauna sala vaka oqo, io meda masulaki ira talega na noda i liuliu me soli vei ira na na yalomatua ena kena toso eliu na noda vanua lomani. Sa kaukauwa na vuaviri ni meca vei keda na tamata, okoya me da kakua ni vuturi se yalo rawarawa ena veika oqo. Sa dua na cavu i kalawa levu oqo meda veirogoci tiko kina. Vinaka vakalevu na i taukei ni blog oqo Kalougata tiko mada na lotu kei na vanua.
    Sa dri yani.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: